一日一日咁數住, 過左立春, 正式踏入牛年, 到左初十五, 係近四十年最大最圓既月光底下既元宵節, 好似過得有點缺失似的~

以往過農曆年, 都會好期待初十五的來臨, 因為可以同親人一齊食湯丸同埋拆利是。 初十五係元宵節, 亦係中國既情人節, 食湯丸既時候會有圓滿既感覺, 不過今年返到屋企, 同細佬兩個人既晚餐過後, 發現湯丸早已被細佬獨吞.. 我諗大家可能一早已經拆左利是, 往年黎講小弟都會等一等到初十五, 因為阿媽話傳統黎講初十五先至拆.. 我係一個有耐性既人, 所以慣常地會忍耐到初十五(雖則一早會透過其他途徑點算..) 不過今年, 雖則阿娘親都一再講話現代人都無咩人理.. 但我都係等到今日先至拆... 同以往不同既係..  今年我無計算過利是... 除左一D 比較靚既利是封我會記得係邊個比之外..  我都吾記得邊一封利是係邊一個比的.. 可能係因為.. 係今年既新年.. 我更注重係收利是果陣同人地互相既祝福.. (不過點算還是要的.. 新工作環境同埋金融海嘯既影響下... 結果其實早已EXPECTED架喇~)

另外一個覺得有點缺失既原因可能係因為初十五既來臨好像象徵著新年假期既結束。吾知點解, 放完農曆假既我好似比放假前更攰 (主要係PHYSICALLY, 不過某程度上都幾受MENTALLY 影響) .. 其實小弟不嬲都係一個顧慮周全既人.. (某程度上係多慮) .. 做係PROJECT BASE 既工.. 總係特別多野顧... 而且好多時都係新既野 (咁當然同工作都係新既不無關係) .. 好多時就算遇到既係一D吾算好COMPLICATED既情況, 都會令我缺乏安全感...  放完假.. 可能因為放底左工作一段時間 (假期雖則係五日, 但計埋假期前後既HOLIDAY MOOD 都幾長架..).. 好多野都未PICK UP 返.. 至少感覺上未..

近來每一朝早其實我都會提一提自己, 自己其實都係一個幸福既人, 身邊關愛自己既人都平平安安.. 生活上又無咩缺失.. 不過有時... MISERY 既感覺總會係不知不覺間出黎侵襲我... 我會嘗試用理性去SUPRESS..不過有時我都會諗... 如果簡厥令自己MISERY係人性既一種... 不如就放任下自己.. 就MISERY一下.... 自憐一下.. 可能都係休息既一種...

聖誕節某夜玩得特別夜, 少有地同朋友一齊搭的士返屋企, 途中談及新既工作、新活.. "你睇我好我睇你好啦..", " 你睇我咩好.." ... "UM...咁你睇我好啦.. 哈哈.." 係呢個時候... 一把慈性既聲音搭嗲.." 邊個好D 都好.. 最緊要吾好咁多憂慮.. .個浪幾大都好.. 香港吾會餓死人既.." .. " 係喇.. 司機講得岩, 做人最緊要開心.."

今日難得地跑住步睇電視.. 今集鏗鏘集既專題係心理學同埋開心.. 最後節目用左一個人既說話作總結.."身邊既野控制吾到.. 但開吾開心一定有得選擇.." ..

吾知係咪因為新工作環境既關係.. 近排好似特別容易吾開心.. 以上既說話.. 記得年輕既時候我都試過同人講..  試過感染過人.. 試過令人拾活快樂.. 但慢慢個人越大.. 好似越黎越MATERIALISED. . 好似吾記得左... 自己以往開心既原因.. 

其實.. 開心可以好簡單.. 而我亦都好肯定.. 我應該係一個活得開心既人.

我會努力開心咁生活.. 因為我知道, 我開心, 亦都會令身邊既人開心~

洗完、摺好、閂埋衣櫃.. 正式告別恤衫西褲既上班日子.. 

講真.. 著住便服上班.. 自在... 年輕.. 合乎經濟效益 (因為去街衫都係呢D, 吾駛另外買衫返工..) ..  但係... 身著得舒服.. 心未必..

返之前一份工作既時候同過一個舊同學食飯, 是日我著住恤衫西褲.. 同學好似覺得我既衣著好出奇.. 仲擬似寸我地問..  "你吾駛出街, 你著黎比邊個睇.. " . 我只好有點沒趣咁答.."比老細睇.."  我都明... 著恤衫西褲其實係想PROJECT一個斯文既IMAGE比人..  一個坐係OFFICE既職員, 除左為左滿足老細, 頂多係PROJECT返比自己睇... 等自己認為自己應該斯文D ..   但其實.. 對無知既小弟黎講.. 恤衫西褲有令外既意義..

小弟少無大志, 屋企人日做夜做, 工作辛勞... 如果你問我屋企人對我既期望, 大慨就係大個可以好似" 某哥哥"一樣... 返一份斯斯文文既工... 安安穩穩、舒舒服服咁過工作... 恤衫西褲.. 除左一份兒時既期望外.. 某程度上仲代表住男性既身份.. 無論係睇新, 睇電影... 有身份既男性總會係西裝畢挺咁出現..  呢個幼稚既諗法大概係我腦部縈繞左好耐.. 根深蒂固, 而... 便服返工就同心裡面既成功認像變得遙遠...   不過... 越大..越諗得清楚... 尤其係尖咀旺角成日見到D 人著住西裝但係鬼五馬六... 我就明... 最重要係既始終都係.. 一個人做到D 咩..

P.S. .. 其實我覺得我住恤衫西褲.. 都OK 好睇的~ 

返對上一份工臨走前幾日, 一個吾係好熟既同事SEND左個INTERNAL MAIL出黎比幾個同事.. 一開原來係來年生肖運情.. 吾知佢點樣有SOURCE.. .但值得注意既係.. 屬豬既朋友來年係各項目, 包括健康, 財運, 愛情, 事業.. 評方都好底.. 總方差吾多係十二生肖最底果個.. 我相信.. 呢個情況.. 大有機會係我身上發生.. .. 唉..